يري أسامة نبيه نجم الزمالك ومنتخب مصر الأسبق أن أحمد سيد زيزو لاعب الاهلى لم يقدم الإضافة المنتظرة منذ انتقاله للقلعة الحمراء.
تصريحات أسامة نبيه
وقال أسامة نبيه الذى يحل ضيفاً على برنامج "النجوم في رمضان": "زيزو مقدمش أي إضافة للأهلى ، كمان توروب مش ماشى كويس مع الفرقة في ظل كم النجوم الموجودين في الفريق".
ويضيف: "تريزيجيه وإمام عاشور هما الأكثر تأثيراً في الاهلى عن زيزو، هما شايلين الفرقة".
وواصل: "محمد صلاح عمل تاريخ كبير ونصحيتى ليه كمل في أوروبا وخليك ماشى بتسطر تاريخ وبس، عقليتك هتوصلك لكل حاجة حلوة".
وأشار: "محمد صلاح لو قدامه فرصة يروح ريال مدريد يروح طبعا، يروح أي مكان تانى في أوروبا، مع إن كريستيانو بيلعب في الدوري السعودى وميسى في الدوري الامريكى والعقليات دي خلت الأمور دي كلها عادية"، موضحا أنه من الأفضل أن يستمر صلاح في أوربا ولا يذهب للخليج.
وأكد: "علاقتى كويسة بجمهور الاهلى وانا مش مسئول عن غياب حسام غالى عن الظهور في كأس العالم بروسيا 2018، حسام غالى مستبعد من 2016 من بعد مباراة نيجيريا بقرار من كوبر مدرب المنتخب وقتها، وأنا اتاخدت في الرجلين وقتها".
وأكمل: "روحت جلسة مع هانى أبو ريدة في شركة محمود طاهر وكنا منتظرين حضور حسام غالى بس وقتها هو اختلط عليه الامر وأفتكر أن الجلسة ستُعقد في مقر النادي الاهلى لكن الجلسة كانت في مقر شركة المهندس محمود طاهر في مصر الجديدة وعشان كدة الموضوع متمش".
